Заменик претседателот на Владата на Република Македонија, задолжен за економски прашања Владимир Пешевски, денеска ќе ја посети фабриката за млеко и млечни производи Балканска млекара во општина Илинден.
Пешевски за време на посетата ќе биде придружуван од министерот за земјоделство, шумарство и водостопанство, Љупчо Димовски, од заменик министерите за земјоделство, шумарство и водостопанство Зоран Коњановски и за економија Христијан Делев, како и од градоначалникот на општината Жика Стојановски.
Како што соопшти кабинетот на вицепремиерот Пешевски, Целта на посетата е запознавање на Владината делегација со инвестициските активности на Суташ во Република Македонија, нивните цели, визија и идни планови.