Потрошувачките цени во Британија се намалија во април за прв пат од 1960 година, покажаа денес официјалните податоци во Лондон.
Британскиот завод за статистика наведува дека стапката на инфлација минатиот месец изнесувала минус 0,1 проценти во однос на нулта нивото од март, со што е евидентирана првата негативна инфлација во последните 55 години, пренесува агенцијата АП.
Заводот додава дека до падот на потрошувачките цени дошло поради поевтинувањето на транспортните услуги, пред се авионските и бродските билети.
Долготрајниот пад на цените односно дефлацијата претставува причина за загриженост бидејќи влијае на економската активност и ги поттикнува купувачите да го одложуваат купувањето, а компаниите да ги одложуваат инвестициите.