Новак Ѓоковиќ нема да учествува на Мастерс турнирот во Мадрид, објави „Marca“. Најдобриот светски тенисер, поради повреда на скочниот зглоб, не играше на овој турнир и минатата година.
Ѓоковиќ на Мастерсот во Мадрид победил во 2011-та година, а два пати играл во полуфиналето (2007-ма загубил од Налбандијан, а 2009-та од Надал).
Пред две години српскиот тенисер во текот на мечот со Григор Димитров имаше вербални расправии со публиката. Во 2013-та година Ѓоковиќ беше елиминиран од Димитров во второто коло.
Следниот турнир на кој ќе настапи Ѓоковиќ е Мастерсот во Рим, каде ќе ја брани титулата и кој ќе му биде последна подготовка пред Ролан Гарос, единствениот Грен слем турнир на кој нема победено.
