Актуелниот шампион на Шпанија, Атлетико Мадрид подготвува изненадувачка понуда за Бастијан Швајнштајгер од Баерн Минхен, објавија шпанските медиуми.
Според информациите „јорганџиите“ се подготвени да платат 15 милиони евра за 30-годишниот фудбалер.
Тренерот на Баерн Пеп Гвардиола е подготвен да се раздели со германскиот репрезентативец, но баварците и покрај се ќе сакаат поголема сума.
Швајнштајгер е дел од Баерн од 13-годишна возраст. Тој од 2001-ва до 2005-та беше дел од вториот тим на Баерн, но од 2002-ра година повремено настапуваше и за првиот тим на гиганот од Минхен. Во дресот на баварците, Швајнштајгер досега има 337 настапи, а притоа 42 пати ги тресеше противничките мрежи.
Договорот на Бастијан Швајнштајгер со Баерн Минхен истекува на 30-ти јуни 2016-та година.