Од „Samsung“ се пофалија дека продажбата на новите модели „Galaxy S6“ и „Galaxy S6 Еdge“ оди многу подобро, отколку што предвидувале.
„Cnet“ пишува дека „Samsung“ веројатно нема да успее да ги задоволи сите барања за купување на подобрените верзии од „Galaxy S“ серијата.
Иако „Samsung“ се уште ги нема објавено првите конкретни податоци, корејски „Times“ пишува дека веќе се пристигнати 20 милиони пред-нарачки.
Компанијата цели да испорача 10 милиони примероци од „S6“ и „S6 Еdge“ во првите 26 дена откако започна продажбата. Ако тоа се реализира, тоа ќе биде најбрзо продаваната серија на паметни телефони на „Samsung“.
Една од причините за бавната испорака би можела да биде и таа што се повеќе се нарачува поскапиот модел „Еdge“, отколку што беше првичното предвидување на „Samsung“, открива „Reuters“, a заоблениот „Еdge“ модел е потежок за изработка и подолго време е потребно за да се направи.
Овие модели добиваат многу пофалби уште од премиерата во Барселона на Светскиот конгрес за мобилна технологија.
