Нешто навистина посебно покажа француската марка „Peugeot“. Тоа е најновиот нејзин модел базиран на познатиот хечбек „308“, но претставува чистокрвен суперавтомобил.
Моделот го носи името „308 R HYbrid“, а се потпира на моќен хибриден мотор, дело на единицата „Peugeot Sport“. Тоа е комбинација на бензински мотор и два електромотори, кој можат да работат заедно или поединечно. Бензинскиот мотор е 1,6-литарски „THP“ (270 КС), а двата електрични мотори, поставени на секој од мостовите и моќност од 115 КС, му обезбеди на „308 R HYbrid“ погон на сите тркала.
Вкупната моќност на системот, чија литиум-јонска батерија е со капацитет од 3 Kwh може да се полни на електричната мрежа, достигнува 500 КС. Вртежниот момент е еднаков на 730 Nm, а распределбата на масите е во сооднос 40/60 во корист на предната оска.
Семејниот хечбек со можности на „supercar“, како од „Peugeot“ го дефинираат својот нов модел, е сбособен на забрзување од место до 100 км / час за 4,0 сек. Максималната брзина на движење е ограничена на 250 км/час, а емисијата на „CO2“ е колку на економичен градски автомобил – само 70 г/км.
„Peugeot 308 R HYbrid“ е опремен со четири начини на управување. Најмногу спортскиот „Hot Lap“ обезбедува целосна моќност од 500 КС. Режимот „Track“ го прилагодува хибридниот систем да генерира 400 КС и 530 Nm, а режимот „Road“, наменет за секојдневно користење, испорачува 300 КС и 400 Нм. Последниот режим – „ZEV“, е целосно електричен. При нормално возење системот користи главно позиционирање на задната оска на електричен мотор, додека предниот се активира по потреба.
Што се однесува до дизајнот на „308 R HYbrid“, тој е позајмен од концептите „308 R“ и „Quartz“. Моделот демонстрира агресивни форми, големи отвори за воздух, двобојно купе и хромирани елементи. Во моментов недостасуваат слики на внатрешноста, но од информациите, станува јасно дека тој е опремен со четири индивидуални седишта.
Во моментов не е познато кога ќе се одржи премиерата на „308 R HYbrid“, но наскоро може да се очекуваат повеќе детали.
