„Volvo“ ја прикажа максималната верзија на новиот кросовер „XC90“, која официјално ќе биде претставена на претстојниот автомобилскиот саем во Шангај. Таа го добила додаток „Excellence“ кон името и се одликува со луксузна опрема.
При оваа модификација се отстранети вториот и третиот ред седишта, а на нивно место се поставени две одделни седишта. Тие се целосно идентични со оние на возачот и на патниците до него, нудејќи огромен простор за нозете за лицата кои се возат позади.
Во стандардната опрема на „Volvo XC90 Excellence“ се вклучени масички на повлекување, фрижидер, држачи за чаши, кои можат да се ладат или загреваат по желба на патниците, како и комплет кристални чаши, произведени од шведската компанија „Orrefors“.
Задните седишта имаат целосен сет електрични нагодувања, а исто така и со функции за загревање, вентилација и масажа.
Возејќи се во возилото патниците може да уживаат исто со јонизаторите на воздухот и на аудио системот „Bowers & Wilkins“ со моќност од 1400 вати. Патниците одзади исто така имаат и свои екрани на мултимедијални системи.
Топ верзијата на „Volvo XC90“ ќе се нуди само кај хибридната модификација на моделот. Таа е опремена со 2,0-литарски бензински мотор и електромотор, чија вкупна моќност е 400 КС.
Во прво време оваа опција на кросоверот ќе може да се нарача само во Кина, но потоа ќе се појави и на уште неколку пазари. Кои се тие, уште не е познато. Исто така засега е тајна и цената на овој модел.