Јапонскиот автомобилски гигант „Toyota“ ја претстави новата глобална платформа, чија употреба ќе почне уште оваа година.
Архитектурата е наречена „TNGA“ (Toyota New Global Architecture), а ќе се оптимизира динамиката и вкупните перформанси на возилата на брендот, покажува информацијата.
Платформата користи компактни и полесни компоненти, а исто така обезбедува низок центар на гравитација. Благодарение на тоа моделите на „TNGA“ ќе имаат зголемена динамика на склопување за околу 15% и во исто време ќе бидат поекономични за цели 25%.
„TNGA“ е развиена со цел да биде користена и за хибридните автомобили, а кај нив исто така ќе се испорача зголемена динамика и намалена потрошувачка на гориво и електрична енергија.
Архитектурата ќе овозможи скратување на времето за развој и производство на нови модели, а исто така ќе се намалат потребните инвестиции.
Околу половина од возилата на „Toyota“ во 2020-та година ќе бидат изработени на оваа платформа, покажува информацијата. Првиот автомобил на кој ќе се користи „TNGA“, е седан со средни димензии, кој јапонската компанија ќе го претстави подоцна во оваа година.
Во „Toyota“ работат напорно и на создавање на уште две нови платформи – една за мали и големи автомобили со преден погон и една за автомобили со заден погон.