Петар Наумовски ја прифатил кандидатурата за претседател на Македонската кошаркарска федерација (МКФ), соопшти во понеделникот Инцијативниот одбор за промени во македонската кошарка.
Инцијативниот одбор пред помалку од две недели поднесе барање за свикување вонредно Собрание на МКФ, на кое треба да се расправа за смена на актуелниот претседател Даниел Димевски.
Димевски има рок до 19-ти март да го закаже вонредното Собрание, а доколку тој не го стори тоа, тогаш оние кои бараат негова смена имаат право да го закажат Собранието на клубовите.
Инаку кандидатурата на Наумовски била поддржана од 21 екипа, меѓу кои се прволигашите МЗТ, Фени индустри, Карпош Соколи, Кожув, Универзитет Гоце Делчев.
