Грчката држава не е соочена со недостиг на сретства, порача премиерот Алексис Ципрас, додека министерот за финансии соопшти дека нема проблеми со обезбедувањето на плати и пензии.
„Апсолутно нема проблеми со ликвидноста“, рече Ципрас по состанокот со Варуфакис.
Министерот за финансии претходно за телевизија Алфа изјави дека нема проблеми да се обезбедат фондови за плати и пензии.
Овие изјави на грчките функционери доаѓаат во момент кога државата се подготвува во среда да издаде тромесечни државни обврзници од една милијарда евра за да ги подмири долговите кои пристигнуваат за отплата.
