Откако дебитираше пред публиката на автосаемот во Детроит во јануари, новиот „Ford GT“ го „испочитува“ и најголемиот европски саем – тој во Женева. Според прелиминарните податоци суперавтомобилот ќе се појави на пазарот на Стариот континент во 2016-та година.
Како и „Ford Mustang“, така и „Ford GT“ е опремен со мотор од семејството „Ecoboost“. Шестцилиндарскиот мотор со две турбини и специјално развиен систем за вбризгување на горивото развива повеќе од 600 КС, а работи во комбинација со 7-степен мануелен менувач, чии карактеристики засега остануваат тајна.
Креаторите на овој модел тврдат дека постигнале сериозни резултати во однос на намалувањето на телесната тежина, благодарение на користењето на алуминиум и јаглеродни влакна. Самиот „Ford GT“ остава голем впечаток со вратите кои се отвораат нагоре и со активниот заден спојлер.
Карактеристиките на ентериерот се мултифункционалниот управувач во стил на „Формула 1“, дигиталниот панел со инструменти, кој може да биде конфигуриран по желба на возачот, а исто така и мултимедијалниот систем „Sync“ од последната генерација.
Интересно е дека седиштата на возилото се фиксни за сметка на можноста за регулирање на управувачкиот столб и на педалите.
Според информациите кои пристигаат од овој производител, моделот „Ford GT“ би требало да се продава по цена од 400.000 долари.