На саемот за автомобили во Женева европско деби имаше и „Infiniti“, кои го претставија моделот „Q50“ кој ќе биде со два погонски агрегати. Овој модел ќе биде достапен со 3.5 хибриден систем, а истовремено и со 2.2 литарски дизел мотор.
Новиот јапонски спортски седан на европскиот пазар пристигна со „3.5 Hybrid Powertrain“ агрегат кој развива 364 коњски сили, додека дизел моторот е со 170 кс и дури 400нм вртежен момент.
Моделот „Q50“ се карактеризира со емоционален дизајн со многу свиоци кои прават овој седан со четири врати да не изгледа досадно. Сепак моделот има неколку дизајнерски детали кои се специфични за автомобилите на „Infiniti“ како што се „Double Arch“ решетката кај моторот и најновата технолошка карактеристика на компанијата,т.е. „Direct Adaptive Steering“ системот за управување.
