Разновидна и богата исхрана која ќе ви помогне да се ослободите од вишокот килограми!
Нутриционистот Гејлорд Хаусер уште од средината на минатиот век апелирал за важноста на здравата исхрана и решил да состави седумдневна диета од овошје и зеленчук. Со помош на оваа диета ќе го растворите вишокот масти во телото, а истовремено телото ќе го снабдите со сите витамини и минерали при што ќе загубите три килограми за една недела.
Ако не сте љубител на овошјето и зеленчукот, богатото и разновидно мени сигурно ќе ви одговара.
Хаусер јадењата ги класифицирал во седум групи, а сите нив можете да ги комбинирате во текот на оваа недела.
Прва група
Овошни сокови – природни сокови од рибизла, портокал и грејфрут.
Втора група
Сокови од зеленчук – природни сокови од домат, кисела зелка и морков.
Трета група
Топли чаеви – приордни чај од нане, листови од јагода или мајчина душица.
Четврта група
Различни пијалоци – црно кафе без шеќер, црн чај без шеќер со лимон.
Во четвртата група влегува и топлата Хаусерова каша, која се подготвува на следниот начин.
Подготовка: Земете една полна чаша целер исецкан заедно со стеблото и листови, полна чаша сецкани моркови, половина чаша сецкан спанаќ, лажица сецкан магдонос, лажичка сол, еден литар вода, чаша сок од портокал и малку кафеав шеќер или мед. Сето тоа се вари заедно половина час, потоа се цеди и се пие.
Петта група
Млечни напитоци – јогурт од немасно млеко, кефир, млеко и сурутка.
Шеста група:
Свеж зеленчук – морков, целер, магдонос, спанаќ, краставица, пиперка, млад грав, кељ, кисела зелка, карфиол, цвекло, грашок, тиквици и лук.
Седма група
Свежо овошје – портокал, грејпфрут, ананас, лимон, јаболка, праска, грозје, круши, кајсии, бобичесто овошје и лубеница.
Како функционира Хаусеровата диета?
Од оваа листа можете да направите мени за седум дена, а многу е важно оброците да бидат што е можно поразновидни. Јадете го зеленчукот свеж или пак зготвен на пареа, во солена вода, обарен или печен, на тавче без додаток на масти и зејтин.
Забранети се било какви додатоци за подобрување на вкусот, освен соја сос, мед, кафеав шеќер и сол.
Во текот на денот не смеете да конзумирате повеќе од три чаши од петата група.
Дозволени се мешани јадења, а сите видови на овошје и зеленчук можете да ги комбинирате со јогурт или лимонов сок. Ова се однесува и на салатите кои можете да ги зачините со сос од соја.
Забранети се намирници кои не се наведени во групите, а притоа се мисли на банани, компир, леб, путер, шеќер, маст, месо и алкохол.
Јадете колку можете, бидете сити, но без претерувања.
