Данскиот производител на пиво „Carlsberg“ соопшти дека планира да ги затвори своите две пивари во Русија, од вкупно десет, откако минатата година беше суспендирано производството.
„Откако е суспендирано производството во две наши руски пивари, компанијата ја намали производната структура“, се прецизира во соопштението.
Компанијата „Carlsberg“ која остварува една третина од добивката од продажбата во Русија, наведува дека со ова затворање ќе го намали капацитетот на производството во Русија за околу 15 проценти, а можни се и намалувања на бројот на вработените, пренесува Ројтерс.
