Социјалните мрежи „Facebook“ и „Instagram“ беа недостапни речиси еден час – меѓу 7 и 8 часот утринава. Најверојатно тоа ќе биде најдолготрајниот колапс на сајтот на Марк Цукерберг.
Од околу 7.10 часот „Facebook“ не се отвораше и излегуваше порака: „Sorry, something went wrong.We’re working on it and we’ll get it fixed as soon as we can“. (Жалиме, нешто тргна наопаку. Работиме на отстранување колку што е можно побрзо). Страницата на „Instagram“ едноставно не се отвораше.
На „Twitter“ имаше пораки за проблеми со влегувањето на „Facebook“ во Соединетите Американски Држави (САД), Индија и држави во Европа.
Засега нема информации од двете мрежи која е причината што го предизвика овој проблем.
Слични „паѓања“ имаше два пати во 2014-та. Во јуни беше најсериозниот проблем кога социјалната мрежа остана недостапна 25 минути – рекордно време. Денешниот пад, траеше подолго време, што е нов рекорд. Се очекува наскоро од „Facebook“ и „Instagram“ да дадат информации која е причината за овој прекин на работата.
