Кој не би сакал да има повеќе пари и да биде богат? Размислете, дали и вие ги правите овие грешки во врска со парите?
Трошите повеќе отколку што заработувате
Веројатно мислите дека е логично дека еден човек не може да потроши повеќе отколку што има. Меѓутоа, ова е и најчестата грешка која речиси сите луѓе ја прават. Во тоа ни помагаат кредитните картички и останатите олеснувања кои буквално не мамат да трошиме повеќе отколку што заработуваме.
Го купувате она што не ви е потребно
Сите ние сакаме да се пофалиме колку сме успешни и поради тоа сме подложни да го купуваме и она што и не ни е најпотребно само за да се „покажеме во друштвото“, додека вистински успешните луѓе немаат потреба за тоа. Познатиот американски милијардер Ворен Бафет изјавил дека „Ако го купувате она што не ви е потребно, наскоро ќе мора да го продадете она што ви е навистина потребно“.
Не ја знаете својата финансиска состојба
Кога сме свесни дека лошо стоиме финансиски, и дека во моментот не е возможно да ја поправиме финансиската состојба, имаме обичај да избегнуваме да одиме во банка за да ја провериме актуелната состојба на нашата сметка за поточно да дознаеме со колку сретства располагаме. Тоа е голема грешка. Треба да ги запишеме сите бројки на хартија и внимателно да ги погледнеме. Тоа е првиот чекор за решавање на финансиските проблеми.
Кога немаме план
Планирањето на трошоците и издатоците е нешто основно. Нашите финансиски цели би требало да ги вклучат и плановите за пензија, отплата на долгови и пронаоѓање на начини за да инвестираме во нешто, без оглед на висината на приходите.
Потпирање на само еден извор на приходи
Многумина имаат само еден извор на приходи, без оглед на тоа дали се работи за државна или приватна фирма. Тоа воопшто и не е препорачливо. Што ако нешто се случи и тој извор на сретства едноставно згасне?
Помирување со она што го имате
Ако се задоволите со она што секој месец го добивате на вашата сметка и ако мислите дека не постојат шанси за зголемување на приходите, повторно грешите. Ако некој од вас денес побара повеќе да штедите, дали автоматски ќе почнете да размислувате за трошоците од кои ќе мора да се откажете? Погрешен пристап. Подобар пристап е да размислите како да ги зголемите своите приходи, а не од што ќе мора и да се лишите.
Трошењето поголем приоритет од штедењето
Ако нешто денес ни е неопходно, секогаш попрво ќе се одлучиме да го купиме неопходното отколку да заштедиме, а штедењето во ваков случај го оставаме за подоцна. А тоа „подоцна“ никогаш и нема да дојде бидејќи секогаш ќе има нешто кое ќе ви биде „многу потребно“. Ако чекате да заштедите така што она што ќе ви останува од платата да го оставате на страна, тоа никогаш нема ниту да се случи. Подобро е најпрво да оставите одредена сума на страна, а потоа да трошите од тоа што ви останало.
