Играта криенка е завршена – „Mercedes“ ги објави првите официјални фотографии и технички детали од моделот „CLA Shooting Brake“. Покрај стандардната верзија, претставена е и спортската „AMG“.
Новиот компактен модел, кој кај фановите на „Mercedes“ најверојатно ќе предизвика спротивни реакции, е заснован на купе-лимузината „CLA“.
За формирање на задниот дел на автомобилот е искористена идеата од моделот „CLS Shooting Brake“, па така новата верзија „Mercedes CLA“ не е класичен караван.
За тоа сведочи и зафатнината на багажникот која е со 495 l и само 25 литри поголема во однос на лимузинската верзија. Меѓутоа, во „Mercedes“ велат дека навалување на наслонот на задните седишта, багажниот простор може да се зголеми на 595 литри, но тоа ќе се рефлектира на комфорот на патниците кои седат позади.
За превоз на поголем товар, задната клупа нормално може да се навали, а возачот може да смета на корисен простор од 1.354 литри.
„Mercedes CLA Shooting Brake“ долг е како и лимузината – 4.630 mm, a aвтомобилот е широк 1.777 mm, додека висината изнесува 1.435 mm.
На купувачите на почетокот ќе им бидат понудени две дизел и 4 бензински агрегати.
Основниот дизел, „CLA 200 CDI“ има 2.1-литарски турбо-мотор со 136 ks (100 kW) и 300 Nm, додека помоќната дизел верзија, моделот „CLA 220 CDI“, моторот со иста зафатнина произведува 177 ks (130 kW) и 350 Nm максимален вртежен момент.
Бензинците стартуваат со моделот „CLA 180“ и тубро-мотор со 122 ks (90 kW) и 200 Nm. Малку помоќниот „CLA 200“ развива 156 ks (115 kW) и 250 Nm, a работната зафатнина на двете погонски единици изнесува 1.6-литри.
За оние кои тоа не им е доволно, „Mercedes“ нуди 2.0-литарски бензински мотор со 211 ks (155 kW) и 350 Nm, кој може да се добие и во верзија со „4MATIC“ погон на сите 4 тркала.
Паралелно со „обичните“ верзии, „Mercedes“ овој пат го претстави и „AMG“ моделот.
Како и кај „Mercedes A45 AMG“ и „CLA 45 AMG“, а за погон е употребен четирицилиндарски 2.0-литарски бензинец со 360 ks (265 kW), достапни при 6.000 o/min, и 450 Nm, кој на располагање се во опсег од 2.250-5.000 o/min.
Моќта се пренесува на тркалата со помош на седумстепениот „AMG SPEEDSHIFT DCT“ менувач со двојно квачило.
„Mercedes CLA 45 AMG Shooting Brake“ до „стотка“ забрзува за 4,7 секунди, пред да ги достигне максимално, електронски ограничените 250 km/h.
Книгата за нарачки за новиот модел на „Mercedes“ ќе биде отворена во јануари 2015-та, а првите возила ќе им бидат испорачани на купувачите во март. Цените ќе бидат соопштени пред стартот на продажбата.