Еден од најпопуларните, и секако и најчесто користените, знакови на светот има многу имиња, а „EuropaPont“ Ви дава преглед на различните имиња кои за „@“ се користат во европските земји.
Во Албанија овој знак се нарекува „полжав“, во Данска и Шведска „сурла од слон“, во Грција и Кипар е „патка“, а во Унгарија „бубачка“.
Вообичаеното име, „monkey“, односно „мајмун“ или „at“, се користи во Македонија, Србија, Австрија, БиХ, Хрватска, Естонија, Финска, Германија, Ирска, Италија и во многу други европски земји, но покрај тие имиња, обично доаѓаат и уште некои.
Така во Австрија знакот „@“ се нарекува уште и „мајмун-пајак“, во Белгија, Германија и Луксембург „опашка од мајмун“, во Финска „опашка од мачка“.
Во Словачка „@“ се нарекува „ролована харинга“, во Русија „куче“. „Полжав“ е, освен во Албанија, и во Италија, Белорусија и Украина.