Во Хрватска во месец октомври оваа година стапката на невработеност изнесувала 18,7 проценти, а ова е втор месец по ред стапката на невработеност да расте.
Во септември невработеноста изнесувала 17,7 проценти, јавуваат хрватските медиуми.
Во евиденцијата на хрватскиот Завод за вработување во моментов се регистрирани повеќе од 311.000 невработени.
На крајот на октомври тој број изнесуваше 306.000 лица, што укажува на забрзан тренд на отпуштања на работниците по завршувањето на туристичката сезона.