Независната американска истражувачка куќа „eMarketer“ ја објави својата проценка за бројот на луѓе кои се поврзани на Интернет. Според нив, тој број веќе следната година ќе ја надмине границата од 3 милијарди.
Кога тоа ќе се случи, од вкупниот процент на светската популација (нешто над 7 милијарди) на мрежата ќе биде поврзано 42,4% од населението.
Тоа би значело дека следната година бројот на „online“ жители на Земјата ќе се зголеми за 6,2%, a поголемиот дел од тој раст ќе дојде од земјите во развој каде забрзано се развива технологијата и инфраструктурата која ќе биде достапна и за посиромашните жители.
Со продолжувањето на таквиот раст, „eMarketer“ проценува дека веќе во 2018-та година пристап до Интернет ќе има повеќе од половина од светската популација – 3,6 милијарди луѓе.