Германскиот репрезентативец и фудбалер на Реал Мадрид, Сами Кедира најверојатно ќе го облече дресот на Баерн од следното лето, кога истекува неговиот договор со „кралскиот клуб“, соопштува „Кадена Сер“.
Според информациите на шпанското радио, „баварците“ му ветиле на Кедира повисока плата од онаа која тој ја добива во моментов, а тој ја дал својата согласност. Па така халфот ќе премине на „Алијанц Арена“ како слободен играч.
Пеп Гвардиола го убедил Кедира уште во летото оваа година да остане на „Сантијаго Бернабеу“ и да го исполни договорот, а потоа да премине во Баерн за без пари.
Англиските гиганти Арсенал, Челзи и Манчестер Јунајтед исто така сакаат да го привлечат Германецот во својот состав.
