Сен Тропе е многу позната и популарна дестинација, во која секогаш ќе се враќате и секој пат ќе ви биде се поубава…
„Vila Des Parcs“ во Сен Тропе е имот кој се наоѓа на брегот на морето и кој може да се изнајми. Во оваа вила, можете да уживате како да не сте на овој свет, туку во некоја магична земја, креирана според вашите желби.
Со традиционален стил помешан со модерни елементи, оваа луксузна вила има 500 метри квадратни простор, а секој свој посетител го воодушевува со неверојатната панорама на Медитеранот.
Оваа вила ви нуди пристап на најубавите плажи во околината. Добриот одмор овде ќе ви биде загарантиран, а чувството кое ќе го имате додека сте овде на одмор ќе го паметите цел живот. Опкружена со прекрасни тераси, сјајни плажи и бистро море, оваа приватна вила ви нуди простори за уживање внатре и надвор.
„Al fresco“ оброци, покрај морето и во градината, ви даваат опција за безгрижно уживање во овој неверојатен амбиент.
Големиот базен и погледот на кристално чистото море, ќе ви ги освежи умот и телото и ќе ви ја смири душата. Персоналот само чека ваш знак, ваша желба или ваше барање. Тие се тука да ви овозможат се што ќе посакате.
Свежо и мирисно цвеќе ги декорира просториите на оваа прекрасна вила. Постелнината е од висок квалитет, создадена за безгрижен сон.
Во бањата ве очекуваат „Bulgari“ производи, а сите детали се внимателно одбрани и изложени, за да креираат совршено окружување.