„Google“ неодамна ја надогради апликацијата „Play Store“ за својот „Android“ оперативен систем. Како што е познато покрај редовните поправки на „баговите“, новиот „Play Ѕtore“ доби и нов интерфејс кој во „Google“ го нарекуваат „Material Design“.
Бидејќи интерфејсот на „Material Design“ е темел на најновата верзија на „Android – Lollipop“, „Google“ нема да застане само на таа апликација, туку истиот изглед ќе го пренесе и на останатите „Android“ апликации. „Google“ моментално подготвува надоградба за својата „Gmail“ апликација за „Android“ оперативниот систем. Покрај новиот изглед „Gmail“ апликацијата ќе добие и нови можности.
Познато е дека досега „Gmail“ апликацијата го поддржуваше само „mail“ сервисот на компанијата – „Gmail“, по кој на крајот го доби и името. Меѓутоа во иднина петтата верзија на „Google“ донесува и поддршка за нови „mail“ сервиси, меѓу кои особено се истакнуваат „Yahoo“ и „Outlook.com“. Од рекламното видео (кое можете да го погледнете подолу) видливо е дека „Google“ нема намера да сопре само на „Yahoo“ и „Outlook.com“ сервисите, туку веќе до излегувањето на финалната верзија, апликацијата ќе додаде уште некој „mail“ сервис.
Покрај новиот изглед и сервисите, „Google“ додаде и поддршка за „IMAP“, „POP“ и „Exchange“.
