Беспилотно летало кое е поврзано на вашата рака, звучи доста бизарно, но откако ќе го погледнете видеото, овој мал „гаџет“ изгледа навистина генијално и посакувано.
„Nixie“ е концепт на преносна камера која може да полета од вашата рака и да се претвори во беспилотно летало кое се контролира со далечински управувач. Откако ќе полета може да направи фотографии и потоа да се врати кај вас.
Проектот е еден од финалистите кој се развива за натпреварувањето на „Intel“ (Make it wearable), чија цел е развој на нови преносни технологии. Целиот проект е уште во развој, па поради тоа изгледа малку грубо, но лидерот на тимот, Кристоф Кохстал на крајот сака да овозможи „Nixie“ да полета со едноставен гест со раката.
Значи каде се наоѓа и откако ќе ја заврши својата работа, овој уред да се врати на вашиот зглоб, исто како паметен фото-бумеранг.
Нормално, авторите ги чека долг пат за да дојдат до уред кој едноставно ќе се користи, но и кој ќе знае каде треба да се врати, ако се наоѓа меѓу маса на луѓе. Но, со тоа што се најдоа меѓу финалистите, тие добија 50.000 долари и менторство и техничка поддршка (како чиповите „Intel Edison“).