Англискиот гигант Ливерпул ќе го забрза процесот за привлекување на поранешниот голман на Барселона, Виктор Валдес уште во овој месец.
На „Енфилд“ не се задоволни од претставувањето на Симон Мињоле и затоа ќе побрзаат со поканата кон Валдес, кој од 30-ти јуни е слободен агент.
Во Ливерпул одамна имаат интерес за 32-годишниот голман, но повредата на коленото која ја заработи во март, го олади нивниот ентузијазам. Пред потпишувањето Валдес ќе мине низ темелни прегледи.
Менаџерот Брендан Роџерс е меѓу најголемите приврзаници за привлекување на Валдес. Самиот Мињоле, пак изјави дека не е загрижен од ситуацијата. Ако дојде до привлекување на Валдес, тогаш поранешниот голман на Барселона ќе може да се соочи со познат ривал, а тоа е Реал во Лигата на Шампионите.
