Првите официјални фотографии на караван верзијата на новата „Fabiа“ се појавија на Интернет пред официјалната светска премиера која е закажана за авто-саемот во Париз.
„Škoda Fabia Combi“ го дели дизајнот со хечбекот, а двата автомобили стилски се разликуваат во задниот дел. Сепак, и тука разликите се минимални со оглед дека двата модели имаат идентични стоп светла и идентична форма на вратата на багажникот и задниот браник. На караван верзија долната ивица од отворот на багажниот простор е поставен пониско, па така може полесно да се натоварат крупни и гломазни работи.
Иако фотографиите од ентериерот засега не се достапни, нема сомневње дека дизајнот на внатрешноста ќе биде ист како кај „Fabiа“ хечбек.
Од истиот модел ќе бидат превземени и современите бензински и дизел мотори кои ги задоволуваат „Euro 6“ стандардите.
Палетата на бензинци се состои од 1.0-литарски трицилиндарски мотор и 1.2-литарска четирицилиндарска единица, а нивната моќ се движи во опсег од 60 ks дo 110 ks.
Дизел агрегатите имаат по три цилиндри и 1.3-литри зафатнина. Најслабиот произведува 75, а најмоќниот 105 ks.