„Maybach-Manufaktur“ беше една од најлуксузните марки на автомобили. Компанијата беше основана во 1909-та година од Вилхелм Мајбах.
Последната година од нејзиното постоење беше 2013-та година, кога од „Daimler AG“ рекоа дека нема повеќе да ја произведуваат, откако таа не успеа да се наметне како профитабилен конкурент на „Rolls Royce“ и „Bentley“.
Сепак, во својата историја брендот понуди многу стилски и квалитетни автомобили кои и до денес привлекуваат големо внимание. Погледнете кои се 5-те најскапи модели на „Maybach“:
1. „Maybach Exelero“.
Овој автомобил може да се купи за 8 милиони долари. Тој има 6-литарски V12 RWD мотор. Максималната брзина е 351 км/час, а забрзува до 100 км/час за 4.5 секунди.
2.„Maybach 57 S Xenatec Coupе“.
Денес се продава за околу 1.560.000 долари. Има неверојатен дизајн и максимална брзина од 275 км/час.
3. „Maybach 62 S Landaulet“.
Овој модел се продава за 1.400.000 долари. Има V12 мотор со моќност од 612 коњски сили. Максималната брзина е 250 км/час. Внатрешноста е утралуксузна.
4.„Maybach 62 Zeppelin“.
Се продава за 1.360.000 долари. Моделот е претставен е во 2009-та година. Максималната брзина е 250 км/час. Моторот е 6-литарски со моќност од 640 коњски сили.
5. „Maybach BRABUS SV 12 Biturbo“.
Цената на овој автомобил изнесува 1.330.000 долари. Моќноста на моторот е 640 коњски сили, а максималната брзина – 314 км/час. Забрзува до 100 км/час за 5 секунди.
