Овој прекрасен имот на плажа е изграден помеѓу 1939 и 1941 година, во текот на Втората светска војна…
Се наоѓа многу блиску до Хамилтон, и дизајниран е за „Carbon Petroleum Dubbs“. Се простира на 14 хектари земја и во изминатите три години потполно е реновиран. За реновирањето бил избран тим од одбрани интернационални мајстори, архитекти и градежници. Главната куќа прекрива околу 1000 метри квадратни од земјиштето и се наоѓа покрај гостинската колиба, која има три спални соби, колиби за послугата со две спални соби, павилјон на плажа и бетонска куќичка покрај базенот. Имотот има и терен за крикет, многу простор за релаксација, затворен влез и базен со димензии 8 на 4 метри.
Ајде сега да се посветиме на ентериерот – главната резиденција се состои од трпезарија, библиотеки, врвно домашно кино, теретани, семејни соби, аквариуми, канцеларии, главен апартман со две спални соби и две бањи, француски врати, богато уредени соби, со прекрасни завршни детали, ретки кинески камини и плафони во бермудски стил. Исто така, од секој простор се овозможува поглед на Атлантскиот океан.
Со сигурност може да се каже дека овој имот е многу луксузен. Го имаат посетено многу познати личности како што се Мајкл Даглас, Ен Лендерс, Морин односно ќерката на претседателот Реган, двајца бивши Државни секретари, Хенри Кисинџер и Едвин Мис, претседателот Џорџ Буш, сенаторите Џон Пери, Едваед Кенеди, Крис Дод и Џон Бру. Имотот е ставен на продажба преку „Christie’s“ агенцијата за недвижности.
