28 март, 2024
ПочетнаАВТОБИЗЕвропската премиера на новиот Sorento ќе биде во Париз (фото)

Европската премиера на новиот Sorento ќе биде во Париз (фото)

ks1

„Kia“ во Кореја ја претстави новата генерација на моделот „Sorento“, a европската публика овој модел ќе може премиерно да го види на авто-саемот во Париз, на почетокот на октомври.

При конструирањето на новиот „Sorentо“, многу внимание е посветвено на надворешниот изглед на возилото, со оглед дека на неговото обликување, покрај матичното корејско студио учествувале и центри за дизајн од Германија и Калифорнија.

ks2

„Sorento“ зa 2015-та е долг 4.780 mm, што е за 95 mm повеќе во однос на моделот во заминување.

Кабината во која можат да се сместат до 7 лица во три реда седишта, е покомфорна од претходно, а патниците ќе имаат повеќе места за нозете, со оглед дека меѓуосовинското растојание е поголемо за 80 mm и изнесува 2.780 mm.

ks3

Автомобилот е висок 1.685 mm и понизок е од актуелната верзија за 15 mm.

На купувачите ќе им бидат понудени бројни дополнителни опции, како што е панорамскиот покрив, климатизирани седишта, мултимедијален систем со навигација, „JBL“ премиум аудио систем…

ks4

Засега е познато дека на домашниот, корејскиот пазар, „Sorento“ ќе биде достапен во верзии со два дизел мотори.

2.0-литарски со четири цилиндри кој ќе произведува 186 ks (136 kW) и 402 Nm, додека 2.2-литарскиот мотор ќе развива 202 ks (148 kW) и 441 Nm.

Изборот на погонските единици за Европа и датумот на стартот на продажбата ќе бидат познати откако „Kia Sorento“ ќе биде претставен во Париз.

НАЈНОВИ ВЕСТИ

ХОРОСКОП