„The Independent“ објави интересна интерактивна мапа на најбогатите Европејци во секоја држава на континентот.
Европејците својот имот го стекнале главно од својот бизнис, наследувајќи го по семејна врска, како и наследувајќи го по смртта на брачниот партнер.
Освен имињата на богатите лица, мапата го покажува и потеклото на нашите омилени производи.
На пример, Италијанецот Микеле Фереро се збогатил благодарение на кремот Нутела.
Најбогат на мапата е шпанецот Амансио Ортега, сопственик на „Zara“, со околу 62 милијарди долари, што всушност го прави и еден од најбогатите луѓе во светот. Овој „скромен милијардер“, како што е често нарекуван, започнал од нула за да се искачи на третото место на најновата листа на Форбс за најбогатите лица во светот.