Кина наскоро ќе биде побогата за уште еден модел кој ексклузивно ќе се произведува за купувачите на овој пазар, откако „Volkswagen“ на саемот за автомобили во градот Ченгду го претстави компактното купе-лимузина „Lamando“.
„Volkswagen Lamando“, кој беше прикажан во април на авто-салонот во Пекинг, ја дели „MQB“ платформата со „Golf 7“.
Кога по некоја случајност би се појавил во Европа, „Lamando“ врз основа на своите карактеристики несомнено би го добил името „Volkswagen Jetta CC“, но германскиот производител за сега не планира да го понуди овој автомобил на купувачите надвор од Кина.
Моторизацијата опфаќа две четирицилиндрични бензиски погонски единици, „1.4 TSI“ и „2.0 TSI“. Двата мотори имаат седумстепен „DSG“ менувач.
„VW Lamando“ се прави во фабриката во Шангај, а во продажните салони на најголемиот светски пазар на автомобили пристигнува во ноември.
Почетната цена ќе изнесува 180.000 јуани (22.200 евра).
Производителот очекува дека овој автомобил ќе ја привлече помладата кинеска публика, која класичните седани ги смета за конзервативни, а нема доволно пари за „Volkswagen CC“.