Од „Q“ одделението на „Aston Martin“, од каде што досега излегоа возилата како што е моделот „One-77“ и „CC100 Speedster“, пристигнува уште еден врвен автомобил. Новата „Lagonda“ ќе се произведува во лимитирана серија, а ќе се продава исклучиво на богатите клиенти во земјите од Блискиот Исток.
Првите фотографии од оваа луксузна спортска лимузина настанале при транспортот на предпродукциското возило во Оман, каде „Aston Martin“ ќе ги спроведува тестовите за возење на високи температури.
„Lagonda“ е базиранa на VH платформата која ја користи вториот „Aston Martin“ седан, моделот „Rapide“, а каросеријата главно е изградена од јаглеродни влакна, со што автомобилот ќе биде значително полесен.
Британскиот производител досега беше прилично таинствен кога станува збор за спецификациите на „Lagonda“.
Се очекува дека продукцискиот модел ќе биде опремен со 6.0 литарски V12 мотор кој ќе произведува 600 КС. Силата ќе биде пренасочена на задните тркала помеѓу осумбрзинскиот автоматски менувач, а „Lagonda“ од 0 до 100 км/ч би требало да забрза за околу 4,2 секунди.
Првите примероци ќе бидат испорачани на избраните клиенти во 2015 година, а планирано е производство на лимитирана серија од 100 примерока.