Пред да ја почнете оваа диета, имајте на ум дека таа се базира на здравата исхрана. Порциите не треба да надминуваат 400 гр на оброк. Диетата е тешка за почитување на работа, па затоа можеби ќе треба да си го приготвите ручекот од дома. Диетата може да се употребува и повеќе од 7 дена. Соборувањето на килограми е толку нагло во првите 7 дена, најмногу поради водениот и овошниот ден.
Спортот, како и секогаш, е препорачлив. Исклучок е водениот ден. Преоптоварувањето во комбинација со гладувањето, може да создаде проблеми на луѓето со низок крвен притисок.
Ден 1
Појадок: 1 парче печен пченкарен леб намачкан со крем сирење или путер од кикирики. Чаша билен чај.
Ручек: зеленчук салата направена од 1 чаша спанаќ, 1 чаша сецкана краставица, 1 домат, 2 лажици фета сирење.
Ужина: Чаша зелен чај, 60 гр крекери и 1 јаболко.
Вечера: Шпагети со печени мисиркини ќофтиња и сос од домати (околу 300-400 гр).
Ден 2
Појадок: 1 чаша овесни снегулки, 1 банана и чаша нискомаслен јогурт.
Ручек: Салата со туна (може и од конзерва, но добро исцедена од сосот) или пилешко. Додадете грашок, свежи моркови, целер и пченка од конзерва.
Ужина: 2 лажици сурови семки и 2 лажици микс сушено овошје.
Вечера: Подгответе си здрава пченкарна тортилја (ви требаат две пченка тортиљи, нискомаслено сирење и зеленчук на скара по избор. По желба можете да додадете пилешко месо на скара).
Ден 3
Појадок: Чинија нискомаслен јогурт со 2 супени лажици сушени овошја. Чаша црн чај.
Ручек: мисиркино филе – варено или на скара, со гарнир од салата зелка и моркови.
Ужина: Ако почувствувате глад, каснете тост со крем сирење или грст суво овошје.
Вечера: Сезонски плодови или сад салата.
Ден 4
Појадок: Чинијата каша и чаша сок од портокал.
Ручек: 300-400 гр зеленчук салата.
Ужина: Овошје по избор
Вечера: Филе риба на скара (околу 250 гр) и свеж плод за десерт.
Ден 5
Воден ден – Многу сличен на 90-дневната исхрана, и тука е пожелно да минете на течности во рамките на еден ден. Препорачани се чаеви, водата и свежо цедени сокови. Избегнувајте ги природните сокови во пакување поради високите количини на шеќер и вештачки засладувачи.
Ден 6
Појадок: 1 варено јајце, 1 парче интегрален леб и чаша зелен чај.
Ручек: Сендвичи со јајце и сирење на скара. Ако ви е малку, една чинија зеленчук салата нема да влијае толку лошо на режимот.
Ужина: Овошје по избор.
Вечера: Пилешко филе на скара со гарнир од ориз и варена брокула.
Ден 7
Овошен ден – Јадете колку и какви сакате свежи или сушени плодови. Се препорачува зголемен внес на вода. Исто така овошниот ден е и зеленчук ден. Можете да јадете секакви салати, додека до нив да има минимално количество сок и да се зачинети со малку маслиново масло наместо масло.