Раководството на Барселона направи нова понуда во висина од 40 милиони евра за бразилскиот дефанзивец Маркињос од ПСЖ, соопштуваат шпанските медиуми.
Ова е уште еден обид на каталонците да го убедат францускиот шампион да им го продаде 20-годишниот фудбалер.
Од ПСЖ засега ги отфрлија двете претходни понуди на Барселона за Бразилецот. Изгледа дека францускиот шампион нема лесно да се раздели со Маркињос, иако Лоран Блан го засили составот со Давид Луис, кој беше доведен од Челзи.
Самиот Маркињос изрази желба да го напушти ПСЖ откако францускиот шампион го купи неговиот сонародник.
Се очекува во наредните денови да има некаков развој во преговорите помеѓу двата клуба.
Ако Барселона не успее да го земе Маркињос, ќе се насочи кон некој друг централен дефанзивец.
