Реткиот примерок „Ferrari 275 GTB/C Speciale“ од 1965-та година ќе биде понуден на аукција на 16-ти август оваа година.
Oвој италијански модел ќе биде понуден на манифестацијата „RM Auctions“ која ќе биде одржана во Монтереј, а се очекува возилото да ја достигне вредноста од 25 милиони евра.
Тоа значи дека овој модел би можел да стане најскапото „Ferrari“ досега, затоа што ќе ја надмине вредноста која ја достигна „275 GB/4 NART Spider“ кој беше продаден за 20 милиони евра во 2013-та година.
Ова е еден од само трите модели кои се некогаш направени и ја носи ознака на шасијата „06701“. Моделот е произведен кон крајот на 1964-та и почетокот на 1965-та.
Тој е дизајниран како директен конкурент на „Ford GT40“ и „Shelby Cobra Daytona“, модели за трката „Le Mans“ одржана во 1965-та година, а тоа е воедно и првиот од трите „275 GTB/C Speciale“ кои се изработени.
