Најреткото и најексклузивното виски кое некогаш го претставила шкотската дестилерија „Glenmorangie“, сега е достапно за купување…
Ова виски, наречено „Glenmorangie Pride 1978“, старо 34 години, е најскапото виски кое го поседува оваа дестилерија. Неговата цена се движи околу 5.800 долари. Ограниченото издание од само 700 шишиња од ова виски е достапно во целиот свет, а тоа доаѓа во посебно изработено пакување, кое го креираше уметникот Идрис Кан, а се вика „Disappearing Casks“.
„Glenmorangie Pride 1978“ не настанало како 34 годишно виски, најпрво било старо само 19 години. Тоа е оставено додатно да созрее уште 15 години во француските „Premier Grand Cru“ буриња. Само пет буриња со ова виски го поминале тестот, па така, токму поради тоа ова издание е толку ексклузивно.
Ова богато и луксузно виски има бакарна боја, со мирис на костен, карамела, бадем, марципан и вишна. Неговиот вкус е мешавина од овошје и зачини кои вклучуваат јаболко, слива, кумин и еукалиптус. Тука се и примесите од ванила, цитрус, млечна чоколада и кафе со млеко, кои на ова виски му даваат сјаен финиш.
