Голем број банки во Индија денеска се затворени, а јавниот превоз во повеќе места е запрен поради штрајк на синдикатите кои протестираат поради поскапувањата.
Штрајкот, воглавно не ја загрозува индиската престолнина Њу Делхи и бизнис центарот Мумбај, каде финансискиот пазар нормално работи.
Насилство избило на некои места во првиот ден од дводневниот штрајк, а работниците, лути посебно поради високите цени на бензинот, настојуваа денеска да не користат возила. Еден член на синдикатот е убиен во северниот град Амбали.
Во Њу Делхи и Мумбај јавниот сообраќај се одвива без прекин. Некои таксисти штрајкуваат, но канцелариите и училиштата се отворени.
На други места запрен е јавниот сообраќај, банките се затворени, а повеќето продавници и канцеларии се затворени.
Штрајкот се случува во време, кога индиската Влада се подготвува да му предложи намален буџет на Парламентот, кој утре ја започнува седницата.
