Доколку ги сакате Карибите и мислите дека добро ги познавате и дека се сте виделе, размислите уште еднаш…
Иако постојат многу популарни места за одмор, со голем број прекрасни плажи на кои секогаш има многу посетители, многу туристи сакаат да уживаат на скриените места каде можат да се опуштат и да уживаат така како што сакаат. Доколку имате желба да уживате под синото небо, на скриени приватни и романтични плажи, би требало да отидете во Ангуила. Иако е скапо, посетата на ова место вреди за сите пари.
„Cap Juluca“ е едно од најстарите места на овој остров. Отворен е уште во 1988 година, се наоѓа на 179 хектари прекрасно уредена и бујно зелена површина, опкружен со јасмин и морско грозје. Морскиот дизајн се издвојува на ова место, и сите го паметат по тоа, но и по неверојатната квалитетна услуга. Во овој ресорт, гостите ги третираат како семејство. Сите 98 соби и вилата се насочени кон океанот, дури и оние најмалите, кои се околу 100 метри квадратни. Во секоја соба гостите имаат можност да спијат на кревети кои се екстремно удобни и прекриени со постелнина од врвен квалитет.
Во овој луксузен ресорт можете да уживате во повеќе видови на гурмански специјалитети и кујни. Во суштина, можете да јадете што и да посакате, бидејќи целта на персоналот на овој прекрасен ресорт е гостите што повеќе да се релаксираат и да уживаат, како и, да дојдат повторно. Покрај храната, можете да уживате и во освежителните тропски пијалоци во некои од бројните барови кои го опкружуваат ова место, можете едноставно да си го пронајдете своето место под сонцето и тука да ги поминувате своите денови…
