Менаџерот на Арсенал не се откажува од намерата да доведе на „Емирати“ врвен напаѓач, а главна цел му е Марио Балотели.
Лондонскиот тим најверојатно е подготвен на Милан да му плати за Балотели 27 милиони фунти, а на напаѓачот да му понудат неделна плата од 180.000 фунти.
Претходните неколку денови медиумите во Англија и Италија објавуваа дека Французинот е во преговори со Милан и дека конкретизирање на разговорите се очекуваат во наредните недели.
Темпераментниот Италијанец има само 23 години, а минатата сезона даде 18 гола на 41 натпревар.
Балотели веќе играше во Премиерлигата за Манчестер Сити, но главно внимание привлекуваше со инцидентите на и вон теренот.
Тој сега е една од главните ѕвезди на Италија на Мундијалот, каде во првото коло им пресуди токму на Англичаните.