– Штетите врз земјоделските површини во Република Српска според првичните оценки изнесуваат неколку десетици милиони евра, изјави министерот за земјоделство на РС, Стево Мирјаниќ.
Тој истакна дека засега е познато дека реколтата од зрнестите култури и зеленчуците ќе биде речиси преполовена, што ќе доведе до зголемување на цените на главните прехранбени продукти, како лебот, зеленчуците и месото.
– Повеќе информации ќе имаме по повлекувањето на водата од зафатените површини и внимателен преглед на посевите со пченка, истакна Мирјаниќ.
