Вредноста на швајцарскиот извоз во првиот квартал е зголемена за 4,4 проценти на 51,3 милијарди франци, што е најсилниот раст од третиот квартал во 2012 година, соопшти Федералната Царинска управа.
Истовремено, извозот забележал раст од 2,2 проценти, на 44,4 милијарди франци, со што надворешно-трговскиот суфицит е зголемен за 1,2 милијарди, во однос на истиот период минатата година, на 6,9 милијарди франци, се вели во соопштението кое го пренесува швајцарскиот весник „24 часа“.
Индустријата за пластика забележа најголем раст од 8,7 проценти, зад неа е хемиската индустрија со фармацијата со раст од 7,3 проценти, а на третото место е машинската индустрија и електрониката со раст од 5,9 проценти.
