Диетата „17 дена“ е смислена од страна на Д-р Мајк Морен, лекар од Калифорнија. Многу брзо постигнала голем успех и станала златен стандард за многу диетни планови на кои целта им е брзо губење на килограмите.
Основна идеја на Д-р Морен била желбата да состави диета која ќе им помогне на луѓето да се ослободат од килограмите кои ги добиле набрзина. И успеал во тоа! Ќе видите, начинот е необичен но она што е најважно е дека тој функционира! Многу личи на диетите кои се врз основа на внес на малку јаглени хидрати – но карактеристика на оваа диета е дека нивниот внес варира – еднаш е повисок – еднаш понизок, а исто е и со калорискиот внес.
Значи, диетата подразбира серија од 17 денови прилагодување на разни видови на храна кои се конзумираат во овој период. Не е чудо ако за овие 17 дена изгубите 7 – 8 килограми. Во основа оваа диета претставува манипулација со јаглени хидрати: во одредени денови ќе ги јадете помалку, а во други денови повеќе, а резултатот ќе биде губење на тежината! За што вушност се работи: самиот Д- р Морено кажува дека овој пристап го „збунува“ метаболзмот и ја подобрува брзината на симнување на килограмите. Исто така придонсеува и за намалување на чувството на фрустрација и досада кои се обично поврзани со диетите на „подолги патеки“.
Диета 17 дена содржи четири циклуси:
Забрзување
Во оваа почетна фаза драстично се намалува внесот на јаглени хидрати и се потикнува согорување на мастите, чистење на организмот и се постигнува брзо губење на тежината.
Активирање
Оваа фаза подразбира намалување и зголемување на внесот на јаглени хидрати, со цел да се „ресетира“ метаболизамот и да се поттикне согорување на мастите.
Обновување
Фазата на обновување е период кога повторно почнувате со конзумирање на некои намирници кои пред ова беа ограничени. Ова е истовремено и период на учење како да ги развиете здравите навики во исхраната.
Цел
Завршната фаза овозможува да ја одржите телесната тежина и тоа со проста метода: во текот на неделата јадете здрави оброци, а за викендот може да се опуштите и да ја конзумирате омилената храна.
Во текот на сите четири фази на оваа диета акцентот е ставен на конзумирањето на квалитетни намирници, избегнувањето на шеќер и на сите обработени намирници.
Препорачана храна
Јајца, мисиркини гради, пилешко бело месо, морски плодови, јогурт, грејпфрут, јагоди, зелена салата, брокули, домати, краставици, аспарагус, зелен чај…
Примери за мени:
Појадок
– Кајгана
– Грејпфрут
– 1 шоља зелен чај
Ручек
– 2 варени јајца
– Голема мешана салата со: морков, брокула, кромид, домати и цепкана зелена салата.
Ужина
– Јогурт и една рака бобесто овошје.
Вечера
– Мисиркини гради
– Морков на пареа и аспарагус
Препораки за вежбање
Оваа диета вклучува и лесни вежби кои се спроведуваат секој ден (освен во недела ) и тоа 17 минути. Е, дали авторот се шегувал или заклучил дека баш 17 минути се идеалното време – тешко дека ќе дознаеме.
Зошто да се држи оваа диета?
– Го поттикнува внесувањето на разновидна непреработена природна храна.
– Циклусите на различни количини на јаглени хидрати и калории помагаат да се забрза губењето на тежината.
– Диетата трае само 17 дена, а самата нејзина структура помага да се одржи мотивацијата и да се спречи досадата.
– Планот за исхрана е едноставен за разбирање.
– Програмата за вежбање е кратка и ефикасна.
Недостатоци на оваа диета
– Не е погодна за дијабетичари
– Внесот на калории може да биде повремено многу низок за физички активните лица.
– Осетливите лица може да доживеат непријатности бидејќи метаболизмот често се менува.
Заклучок:
Диетата 17 дена подразбира прилагоден внес на јаглени хидрати, масти, протеини и калории во текот на серијата од 17 дена колку што трае еден цилкус. Сето ова може да има ефект на зголемување на метаболизмот и спречување на монотонијата кои се карактеристични за повеќето диети.
Иако планот бил направен да им помогне на оние кои лесно добиваат килограми за време на празниците – може да се користи во било кое време од годината – бидејќи се постигнувааат исти резултати. Меѓутоа, лицата на оваа диета и овде мораат да бидат свесни дека само темелните промени во начините на исхрана, животните навики, ставовите… може да донесат трајно и стабилно одржување на телесната тежина.
