Англиските медиуми јавуваат дека по неколкумесечното следење на настапите и посетите на Лисабон, Манчестер Јунајтед го реализираше трансферот на Вилијам Карваљо од Спортинг и тоа за сума од 37 милиони фунти!
Според информациите, играчот на португалскиот тим е платен 37 милиони фунти и на „Олд Трафорд“ ќе се пресели пред почетокот на Мундијалот во Бразил.
„Карваљо го посети тренинг центарот на Манчестер, ги разгледа клупските простории и се запозна со клубот“, се вели во медиумите.
Инаку, Карваљо има 21 година и станува збор за многу голем талент, кој своите квалитети ги покажа и на последниот меч против Маритимо кога го постигна вториот гол во победата од 3:1.
Додека не пристигне потврда од самиот клуб, англиските медиуми се занимаваат и со проблематиката oд договорот на Карваљо, кој 60% е во сопственост на Спортинг, додека останатите 40 проценти ги држи маркетинг компанијата „BES“.
Според некои извори, Карваљо има откупна клаузула од 45 милиони евра, а договорот со клубот од Лисабон му истекува во 2018-та година.