Во Минхен денеска започна судењето на Ули Хенес, претседателот на европскиот и германски шампион Баерн Минхен поради затајување данок.
Јавното обвинителство на германската покраина Баварија минатата година покрена обвинение против Хенес поради неговото признание на покраинските власти дека не пријавил сметка во швајцарска банка.
Германскиот весник „Зидојче Цајтунг“ објави дека обвинителството го товари првиот човек на Баерн за затајување данок во вредност од 3,5 милиони евра.
Пресудата за овој случај се очекува да биде донесена в четврток.
На 62-Хенес кој своевремено беше репрезентативец на Западна Германија и настапуваше за оваа земја на Светското првенство во Германија 1974 година, му се заканува казна од максимални 10 години затвор во случај да биде прогласен за виновен.
