Кипарскиот парламент го отфрли планот за приватизација на клучните државни компании, план кој беше побаран од таа земја од страна на меѓународните финансиски организации.
Во тензичното гласање, 25 пратеници гласаа „против“ предлогот за законот за приватизација на државните компании, 25 пратеници беа „за“, додека останатите пет беа воздржани, пренесува Ројтерс.
Според одредбите од договорот со странските кредитори, Кипар има обврска да спроведе приватизација, со цел во март оваа година да ја добие четвртата рата од финансиската помош, чија вкупна вредност изнесува десет милијарди евра.