Германскиот производител на автомобили, „Opel“, примил повеќе од 80.000 нарачки ширум Европа, за новиот модел „Mokka“, соопштија денес од компанијата.
Вршителот на должност, потпретседател за продажба, маркетинг и постпродажба во „Opel“, Данкан Алдред, изјави дека „со оваа динамика на нарачки, „Mokka“ е на пат да стане еден од најпродаваните модели во суб-компактната „SUV“ класа, во најбрзиот растечки сегмент во Европа“.
Купувачите кои се одлучуваат за „Mokka“, избираат суб-компактен модел кој е погоден за градско возење и за патувања надвор од урбаните средини, кој е пред возилата со поголеми димензии.
Моментално најдобро се продава „Mokka“ во „Cosmo“ варијанта, со 103kW/140ks, 1,4 литарски „екоFLEX“ турбо мотор и погон на сите тркала.
