Ако се двоумите дали треба да се воздржите од тренингот додека сте болни, имате грип, вирус, покачена температура, или да ги стиснете забите и да издржите, еве што советуваат експертите: Вежбањето додека сте болни може на вашето тело да му предизвика повеќе лоши отколку добри работи.
Дилемата која постојано ги мачи рекреативците е дали да вежбаат или да се одмараат додека се болни, доби епилог во форма на стручен совет. Имено, американските кинезиолози советуваат кога е потребно да се земат неколку денови одмор, а кога да се продолжи со тренинзите? Сето тоа, како што велат тие, зависи од симптомите кои ги имате и „каде се наоѓаат тие“.
Вашето тело кога е болно се бори со болеста, а тоа значи дека во тој момент е под голем стрес, се што му е потребно е одмор за да може да ја победи болеста, а вежбањето при таквата состојба ќе ви зададе дополнителен стрес кој на телото само ќе му ја отежни работата, а во некои посериозни случаи и ќе ја загрози.
Лицата кои се болни мораат да одмараат, но доколку повеќе денови лежат и се желни за некаква активност може да ги применат исклучиво вежбите за истегнување со слаб интензитет. Притоа течностите за консумирање треба двојно да се зголемат.
Експертите ве предупредуваат дека со своеглавото преземање на ризик и вежбање на вежби во случај на болест самите ризикувате да си го загрозите животот.