Сеп Блатер најави дека ќе се кандидира за уште еден мандат како претседател на Меѓународната фудбалска федерација. 77 -годишниот Швајцарец, кој е на чело на светскиот фудбал веќе 16 години, рече дека ако нема сериозни здравствени проблеми до изборот кој ќе е во 2015-та година, не гледа причини да не се кандидира.
„Во добро здравје сум и не сметам дека треба да престанам со работа. Ќе се кандидирам, ако федерациите-членки ме подржат во мојата намаера“, изјави Сеп Блатер кој е на чело на ФИФА од 1998-та година.
Освен Блатер досега официјално објавил дека ќе се кандидира за функцијата и поранешниот потпретседател на ФИФА, Жером Шампањ.
Можноста за да објави кандидатура размислува и актуелниот претседател на УЕФА, Мишел Платини. Тој рече дека ќе ја објави својата одлука по финалето на Светското првенство во Бразил во текот на летото.