Тимот на Монако воспоставил во контакт со рускиот Зенит од Санкт Петербург во врска со можноста напаѓачот Хулк да пристигне во Кнежевството, соопштува весникот „L’Equipe “.
Според информациите, Монако е во потрага на заменик на Радамел Фалкао, кој заработи повреда на коленото и ќе биде во аут до крајот на сезоната. Според изданието, „кнезовите“ вчера се поврзале со Зенит и побарале да знаат под кои услови можат да го доведат Бразилецот во своите редови.
Сепак, проблем за реализација на трансферот за Монако е тоа дека во моментов тимот ја има исполнето квотата за играчи надвор од Европската унија и ќе треба да се ослободат од некого пред да потпишат со Хулк. Опција за тоа е разделба со резервниот голман Серхио Ромеро.
Друга можност за нападот на Монако е напаѓачот на Јувентус, Мирко Вучиниќ, откако пропадна договорот за размената со Фреди Гуарин од Интер.
