Доколку сте личност која има проблем со самoдовербата, следните совети би можеле да ви помогнат во решавањето на тој проблем.
Откријте го вашиот проблем
Првиот чекот во изградбата на самодоверба е тоа да размислите кој е всушност вашиот проблем поради кој се чувствувате несигурни и поради кој ве обзема срам. Обидете се да разговарате со некој за ова.
Размислете за можните решенија
Доколку вашиот проблем со самодовербата е нешто на што можете да влијаете, како што се на пример вишокот килограми, размислете како да дојдете во поповолна состојба. Ако станува збор за нешто друго на што вие немате влијание, тогаш најдобро е да се концентрирате на позитивните работи и на тоа да гледате од позитивната страна. Посветете време на решавањето на вашиот проблем или научете да го прифатите.
Направете чекори во правилна насока
Трудете се да го решите проблемот кој ви пречи. Фокусирајте се на позитивните аспекти на својата личност кои можат да ви го одвлечат вниманието на страна од негативните.
Охрабрете се
Потсетете се дека имате бројни таленти и способности. Поставете цел и наградете се кога ќе ја остварите. Пронајдете нова активност или хоби во кое ќе уживате.
Бидете позитивни
Многу е важно да се трудите да останете позитивни, дури и во моментите кои не се такви, бидејќи на тој начин најлесно ќе ја победите негативата. Избегнувајте го самосожалувањето и негативните лица околу вас. Смислете план за иднината. Научете да ги прифаќате комплиментите.
Бидете насмеани
Смејте се, и тоа многу. Охрабрете ги и другите, бидете љубезни кон нив и секогаш подготвени да помогнете.
